NUUSFLITS

My naam is Anel en ek is op 7 Mei 2010 gebore. My gewig was 3,4kg en ek was 52cm lank. Dit gaan goed met my en my ma

 

Heinrich Martin Zwemstra is op 17 Februarie 1978 in Randfontein gebore. Sy laërskooldae was eers in Alberton en later in Kliprivier. Sy hoërskooldae was weer terug in Alberton – eers Hoërskool Palmietfontein en daarna Hoërskool Dinamika waar hy gematrikuleer het.

Na matriek is hy na die Potchefstroomse Universiteit vir Christelike Hoër Onderwys om elektroniese ingenieurswese te studeer. Aan die einde van sy tweede jaar is het hy geroepe gevoel om teologie te studeer en het hy sy ingeneursstudie verander na B.Sc in Wiskunde met Grieks, Hebreeus, Latyn, Duits en Bybelkunde as byvakke. Na sy B.Sc studie het hy verder in teologie gestudeer en die grade Hons. B.Th, M.Div en M.Th. met lof geslaag.

Op 24 November 2001 het Heinrich in die huwelik getree met Jacomien Wille. Sy is op 14 Oktober 1980 in Lichtenburg gebore waar sy ook haar skoolloopbaan voltooi het. Daarna is sy na die Potchefstroomse Universiteit vir Christelike Hoër Onderwys waar sy vir Heinrich ontmoet het. Sy het die grade B.Th, Hons. B.A. (bybelvertaling) en M.A. (bybelse Grieks) met lof geslaag. Gedurende hulle verblyf in Vereeniging het Jacomien as ’n eiendomsagent gewerk, maar nou is sy saam met Heinrich voltyds betrokke by Covenant College Zambië.

In 2004 is hy saam met sy gesin na Heidelberg (Gauteng) waar hy betrokke was met jeugbediening en evangelisasie in die Gereformeerde Kerk Heidelberg. In dieselfde jaar het hy ook sy Ph.D.-studie in etiek begin. Hierdie studie het hy in 2007 voltooi en gepromoveer by die Noordwes Universiteit.

Op 6 Februarie 2005 is hy in die Gereformeerde Kerk Vereeniging ’95 as predikant bevestig. Hy was betrokke by hierdie gemeente tot 17 Februarie 2008. Op 19 Februarie 2008 het hy saam met sy gesin na Zambië vertrek om predikante op te lei by Covenant College, Petauke, Zambië.

Heinrich en Jacomien Zwemstra se eerste kind, Jacobus, is op 18 November 2003 in Potchefstroom gebore. Hulle tweede kind, Nelrie, is op 3 Augustus 2005 in Vereeniging gebore. As gesin is hulle lief vir mense, die natuur en die uitdra van die evangelie.

Gradeplegtigheid 14 September2007

Zambië